ვორკშოპში საქართველოს მხრიდან მონაწილეობდნენ ღია ცის ქვეშ მუზეუმის დურგლები და ხელოსნები, ICOMOS საქართველოს არქიტექტორ-რესტავრატორები და ხელოსნები, აგრეთვე მოწვეული დურგალი მესტიის მუზეუმიდან.
ვორკშოპის თეორიულ ნაწილში ნორვეგიელმა ექსპერტებმა ისაუბრეს ხის რესტავრაციის ზოგად პრინციპებზე და ხელოსნის როლზე რესტავრაციის პროცესში ნორვეგიაში. ვრცელი დისკუსია მიეძღვნა ორიგინალი მასალის, ხელსაწყოებისა და ხელოსნობის შენარჩუნების და მომავალი თაობებისათვის გადაცემის მნიშვნელობასა და აუცილებლობას. ხოლო პრაქტიკულმა სამუშაოებმა მოიცვა ტრენინგი ტრადიციული ხელსაწყოების კვალის დათვალიერებასა და ამოცნობაში, ვარჯიში ქართული ცულისა და ნაჯახის ხმარებაში და ხის ტრადიციულ დამუშავებაში. ვორკშოპის მონაწილეებმა დიდი დრო დაუთმეს ერთ-ერთი სარესტავრაციო დარბაზული ტიპის სახლის გვირგვინის მოდელის შექმნას, რომელზე მუშაობაც კვლავაც გრძელდება მუზეუმში.
2-6 ნოემბერს გ. ჩიტაიას სახელობის ეთნოგრაფიულ მუზეუმში ღია ცის ქვეშ ხის რესტავრაციის ვორკშოპი მოეწყო, რომელიც წარმოადგინეს ნორვეგიელმა ექპერტებმა: დურგალმა ჰანს მარუმსრუდმა, და მაიჰაუგენის ღია ცის ქვეშ მუზეუმის ხელოსნობის განვითარების ნორვეგიული სააგენტოს ხელმძღვანელმა აივინდ ფალკმა. 