2010 წლის 23 თებერვალს, 16:00 სთ-ზე, საქართველოს ეროვნული მუზეუმის აუდიტორიაში იწყება საქართველოს ეროვნული მუზეუმისა და საქართველოს საპატრიარქოს მიერ ორგანიზებული ლექციების კურსი “ქრისტიანული ხელოვნება საქართველოში”. ლექციები 23 თებერვლიდან 26 მარტის ჩათვლით გაგრძელდება და განკუთვნილია სტუდენტებისა და უფროსი ასაკის აუდიტორიისათვის.

პროგრამა გამოფენის “ძველი და ახალი ქართული საეკლესიო ხელოვნება” ფარგლებში  ხორციელდება.

საქართველოს ეროვნული მუზეუმის, ევროპული სკოლისა და არასამთავრობო ორგანიზაცია CHCA (ჰუმანიტარული ცენტრი აფხაზეთი) თანამშრომლობით ხორციელდება საგანმანათლებლო პროექტი ”მუზეუმი თქვენთან სტუმრად”.

საქართველოს ეროვნული მუზეუმის საგანმანათლებლო ცენტრის მიერ სამაჩაბლოდან დევნილი მოზარდებისთვის სპეციალური პროგრამა მომზადდა.

პროგრამა ითვალისწინებს საქართველოს ეროვნულ მუზეუმში დაცული ექსპონატთა  ფოტო-პრეზენტაციების სალექციო კურსს არქეოლოგიის, ხელოვნების, ისტორიის, და ეთნოგრაფიის შესახებ.

პროექტი მიზნად ისახავს მოზარდებში მეცნიერებისა და კულტურის პოპულარიზაციას.

პროექტის ფარგლებში დაგეგმილია საქართველოს ეროვნული მუზეუმის კოლექციებზე დაფუძნებული ლექცია–პრეზენტაციები, რომელიც მოიცავს არქეოლოგიის, ისტორიის, ხელოვნების და ანთროპოლოგიის სფეროს.

 

 26 იანვარს საქართველოს ეროვნული მუზეუმის აუდიტორიაში გაიმართა წიგნის ”ქართული დაზგური ფერწერა XVIIIს-ის II ნახევარი XX ს-ის 20-იანი წლები” პრეზენტაცია.

წიგნის ავტორია საქართველოს ეროვნული მუზეუმის ხელოვნების მიმართულების უფროსი კონსერვატორი, ხელოვნებათმცოდნეობის დოქტორი, ქალბატონი ირინა არსენიშვილი.

აღნიშნილი გამოცემა გახლავთ პირველი სამეცნიერო ნაშრომი, რომელშიც ქართული ფერწერის მხატვრულ-სტილური თავისებურებანი განსაზღვრულია ევროპულ - რუსულ ხელოვნებასთან მიმართებაში. ახალი ქართული ფერწერის შედარებითი განხილვა ევროპულ - რუსულ მხატვრობასთან ჯერ არ გამხდარა ქართულ ხელოვნებათმცოდნეობაში სპეციალური განხილვის საგანი საბჭოთა სახელმწიფოში ცნობილი მიზეზების გამო.

4იანვარი - 28 თებერვალი

საქართველოს ეროვნული მუზეუმი და საქართველოს საპატრიარქო წარმოგიდგენთ გამოფენას “ძველი და ახალი ქართული საეკლესიო ხელოვნება”.  

გამოფენა ეძღვნება სრულიად საქართველოს კათოლიკოს-პატრიარქს ილია II-ს. 4 იანვარი მისი უწმინდესობის და უნეტარესობის დაბადების დღეა.  

სახალხო უნივერსიტეტთა გერმანული ასოციაციის საერთაშორისო თანამშრომლობის ინსტიტუტის საქართველოს ფილიალმა და ეგროვნული მუზეუმის  მეგობართა ასოციაციამ ერთობლივი პროექტის - “A-MUSE-ALL” - ფარგლებში, ქალაქ რუსთავის ისტორიულ მუზეუმში 26 ნოემბრიდან 12 დეკემბრის ჩათვლით მოაწყო საქართველოს ეროვნული მუზეუმის საგანმანათლებლო ცენტრის მიერ მომზადებული მოძრავი გამოფენა - ”მაქს ტილკე - კავკასიის ხალხთა კოსტუმები”.

1 2 3 4 5 6 7 8 წინ